بحبك يا مطر بحب الشتاء و البرد علشانك يا مطر
بحب امشي تحتك و تنزل عليا قطراتك النقيةبحب خيرك اللي لغيرك لأنك بتيجي بالخير لكل البشر
بحب افتكرك و افتكر اجمل لحظات مع اصحابي و احنا بنسيب الظل و الشجر و نجري تحتك فى نص الطريق
ده صور جميلة بتيجي في خيالى لما بافتكرك يا مطر لان ده كان احساسي لما كان المطر ماية دافية زي ضحكتنا ما كانت عالية و صافية
لكن !
مطري انا يا مطر صار غير اي مطر مطري رصاص مطر يستخبى منه الشجرو يختفي في ليله القمر كان حلم واندثر مطري رصاص اصبح بيخوفني و خيفيني بين الشجر
انا الفلسطيني سلاحى الحجر........................فاكرني يا مطر ؟
شعبي امتى راح ينتصر ؟!, امتى الليل ينجلى ؟! و امتى الحلم العربي يزدهر ؟!...........
نفسي و انا رايح مدرستي اللعب تحتك مع اصحابي من غير ما يموت واحد فينا من غير ذنب و ذنب اللى قتله لا يغتفر ؟؟
رحت فين يا مطر ؟
ليه تركتنى بدموعي انا و القدر ...
ليه ليه يا ابن العروبة مش فاكرني و مش حاسس بية و انت بتشرب كوب الماية و انت بتاكل لقمة هنية
و انت بتجري و تلعب مع اصحابك و انا صاحبي الوحيد مجرد حجر
و بيتي اللي اختفى من حوليه الشجر
و من بعيد اقصى حزين بينادى على صلاح الدين بس انت عمرك ما بتفتكر .
ايه قلبك ده حجر و لا داقت بيه الدنيا و صغر ؟؟!
انا الطفل الفليسطيني معتز جدا باصلى و دينى .
انا طفل الحجارة انا اللي دقت المرارةانا اللي البر مايهمنيش و الحياة عندى ماتساوييش ..
انا الطفل الفلسطيني حامي ارضي و عرضي و ديني و يقيني بالله يقيني ...
ما بعدش عمر و سنيني انا عمري عمر الزهر حلمى جميل بس اندثر لوحتى كان ماليها الشجر و فيها من ضى القمر
انا اللى قلت للظلم لا انا اللى قلت الشعب الفلسطينى ما له الا مولاه .
لان العرب نسيو بس ان نسوا يا ترى مين يفتكر ؟!
ليست هناك تعليقات:
إرسال تعليق